शब्दांच्या जाती भाग 1 | मराठी व्याकरण MCQ टेस्ट

Table of Contents

शब्दांच्या जाती भाग 1 | मराठी व्याकरण MCQ टेस्ट | Police Bharti 2026

नमस्कार भावी पोलीस बांधवांनो! 👮‍♂️🚔

पोलीस भरतीची तयारी करणे म्हणजे केवळ मैदानावर घाम गाळणे नव्हे, तर लेखी परीक्षेतही ‘आऊट ऑफ’ गुण मिळवण्याची जिद्द असणे होय. पोलीस भरती २०२६ च्या स्पर्धेत टिकून राहायचे असेल, तर मराठी व्याकरण हा विषय तुमचा सर्वात मोठा ‘स्कोरिंग’ पॉईंट ठरू शकतो.

बऱ्याचदा आपल्याला वाटते की मराठी आपली मातृभाषा आहे, त्यामुळे ती सोपी आहे. पण जेव्हा परीक्षेत ‘शब्दांच्या जाती’ किंवा ‘विभक्ती’ वर फिरवून प्रश्न विचारले जातात, तेव्हा आपली गफलत होते. हीच गफलत टाळण्यासाठी आणि तुमच्या संकल्पना मुळापासून पक्क्या करण्यासाठी आम्ही घेऊन आलो आहोत— मराठी व्याकरण MCQ टेस्ट सिरीज!

या टेस्टचे वैशिष्ट्य काय? 🤔 १. पॅटर्ननुसार मांडणी: नवीन बदलत्या स्वरूपानुसार गणित, बुद्धिमत्ता आणि GK सोबतच मराठी व्याकरणाचे सखोल प्रश्न. २. सविस्तर स्पष्टीकरण: केवळ उत्तर माहिती असून चालत नाही, तर ‘तेच उत्तर का?’ यामागचे तर्कशास्त्र आम्ही स्पष्ट केले आहे. ३. स्मार्ट रिव्हिजन: कमी वेळात जास्त सराव व्हावा या पद्धतीने या प्रश्नांची रचना केली आहे.

आजच्या भाग-१ मध्ये आपण शब्दांच्या जाती या मूलभूत घटकावर लक्ष केंद्रित करणार आहोत. लक्षात ठेवा, पाया भक्कम असेल तरच यशाची इमारत उंच उभी राहते!

चला तर मग, स्वतःला तपासा आणि बघा या टेस्टमध्ये तुम्हाला २५ पैकी किती गुण मिळतात! 👇

📝 सपस्टिकरण :

प्रश्न १) शब्दांच्या एकूण किती जाती आहेत?

अ) पाच
ब) सहा
क) सात
ड) आठ ✅

स्पष्टीकरण: वाक्यातील शब्दांच्या कार्यावरून त्यांचे जे गट पडतात, त्यांना ‘शब्दांच्या जाती’ म्हणतात. मराठीत विकारी (४) आणि अविकारी (४) अशा एकूण ८ जाती आहेत.

प्रश्न २) “सामान्यतः स्त्रियांना दागिन्यांची व भारी कपड्यांची भारीच आवड असते.” या वाक्यातील ‘भारी’ हा शब्द कोणत्या जातीत येतो?

अ) विशेषण ✅
ब) क्रियाविशेषण
क) क्रियापद
ड) सर्वनाम

स्पष्टीकरण: येथे ‘भारी’ हा शब्द ‘कपडे’ या नामाबद्दल विशेष माहिती सांगतो. नामाची व्याप्ती मर्यादित करणाऱ्या शब्दाला विशेषण (येथे गुणविशेषण) म्हणतात.

प्रश्न ३) ‘आज’ हा शब्द खालीलपैकी काय आहे?

अ) क्रियाविशेषण ✅
ब) उभयान्वयी अव्यय
क) केवलप्रयोगी अव्यय
ड) क्रियापद

स्पष्टीकरण: जो शब्द क्रियेच्या वेळेचा किंवा काळाचा बोध करून देतो, त्याला ‘कालवाचक क्रियाविशेषण अव्यय’ असे म्हणतात.

प्रश्न ४) अधोरेखित शब्दाची जात ओळखा: “गुरुजी मुलांना गणित शिकवितात.”

अ) नाम
ब) क्रियापद ✅
क) विशेषण
ड) सर्वनाम

स्पष्टीकरण: वाक्याचा अर्थ पूर्ण करणाऱ्या आणि क्रियेचा बोध करून देणाऱ्या शब्दाला क्रियापद म्हणतात. ‘शिकवितात’ या शब्दाशिवाय वाक्य अपूर्ण वाटते.

प्रश्न ५) ‘कोण’ या शब्दाची जात ओळखा.

अ) सर्वनाम ✅
ब) विशेषण
क) क्रियापद
ड) क्रियाविशेषण

स्पष्टीकरण: नामाचा पुनरुच्चार टाळण्यासाठी नामाऐवजी वापरल्या जाणाऱ्या शब्दाला सर्वनाम म्हणतात. ‘कोण’ हे प्रश्नार्थक किंवा अनिश्चित सर्वनाम म्हणून वापरले जाते.